Зяленскі пацвердзіў удары па Пецярбургу, Кранштаце і Тамбове
- 3.06.2026, 11:25
Гарыць не толькі нафтавы тэрмінал.
Украінскія сілы абароны гэтай ноччу паразілі шэраг важных аб’ектаў на тэрыторыі Расіі. Сярод іх — Пецярбургскі нафтавы тэрмінал, аб’екты Кранштацкай базы і прадпрыемства ў Тамбоўскай вобласці.
Пра гэта паведамляе Charter97.org са спасылкай на заяву прэзідэнта Украіны Уладзіміра Зяленскага у Telegram.
Паводле слоў прэзідэнта Украіны, да начной аперацыі далучыліся воіны Службы бяспекі Украіны, Сіл беспілотных сістэм, Сіл спецыяльных аперацый, Галоўнага ўпраўлення разведкі і Дзяржаўнай памежнай службы.
Our long-range sanctions carried out by the warriors of the Security Service of Ukraine, the Unmanned Systems Forces, the Special Operations Forces, the Defense Intelligence of Ukraine, and the State Border Guard Service of Ukraine have yielded good results. Important facilities… pic.twitter.com/esxYMexU8d
— Volodymyr Zelenskyy / Володимир Зеленський (@ZelenskyyUa) June 3, 2026
Пецярбургскі нафтавы тэрмінал
Адзін з ключавых аб’ектаў удару — Пецярбургскі нафтавы тэрмінал. Паводле даных Зяленскага, адлегласць ад дзяржаўнай мяжы Украіны да гэтага аб’екта складае каля 1100 кіламетраў.
Прэзідэнт Украіны падкрэсліў, што тэрмінал з’яўляецца часткай расійскай нафтавай галіны, якая працуе на вайну.
Кранштацкая база
Другой мэтай сталі чыста вайсковыя аб’екты на Кранштацкай базе.
Завод у Тамбоўскай вобласці
Трэцяя мэта — прадпрыемства ў Тамбоўскім рэгіёне, задзейнічанае ў вытворчасці расійскай зброі. Адлегласць да яго ад лініі фронту — амаль 600 кіламетраў.
«Дзякуй нашым воінам за меткасць. Украінскі план дальнабойных санкцый выконваецца менавіта так, як гэта і трэба для набліжэння міру», — заявіў Зяленскі.
Нагадаем, у ноч на 3 чэрвеня дроны атакавалі нафтавы тэрмінал у порце Санкт-Пецярбурга, у выніку чаго ўспыхнуў маштабны пажар. АТ «Пецярбургскі нафтавы тэрмінал» з’яўляецца найбуйнейшым з нафтаперапрацоўчых комплексаў на паўночным захадзе Расіі.