У цэнтры Гродна з'явіцца «Алень святога Губерта»

• 3.06.2026, 13:01

Арт-аб'ект усталявалі на вуліцы Тэльмана.

У Гродне з'явіцца новая скульптура, прысвечаная апекуну горада. Пра гэта паведаміла начальніца ўпраўлення культуры Гродзенскага аблвыканкама Алена Клімовіч, паведамляе тэлерадыёкампанія «Гродна».

Адкрыюць помнік у межах XV Фестывалю нацыянальных культур, які пройдзе ў Гродне 5–6 чэрвеня 2026 года.

Гаворка пра скульптуру «Алень святога Губерта», якую некалькі дзён таму ўсталявалі ў цэнтры горада, на вуліцы Тэльмана. Вышыня помніка – 2 м, вакол высаджаныя кветкі.

Пакуль скульптура схаваная пад палатном. Убачыць новы арт-аб'ект гродзенцы і госці фестывалю змогуць у дзень адкрыцця – 5 чэрвеня.