Дзяржаўная памежная служба Украіны: З Беларусі залятаюць «Шахеды» і «Герберы»

• 3.06.2026, 21:03

У ДПСУ распавялі пра сітуацыю на мяжы з Беларуссю.

Украінскія памежнікі не фіксуюць дадатковага нарошчвання расійскіх або беларускіх сіл паблізу мяжы, за выключэннем выкарыстання Расіяй паветранай прасторы Беларусі для запуску дронаў.

Пра гэта гаворыцца ў заяве прэс-сакратара Дзяржаўнай памежнай службы Украіны Андрэя Демченко падчас брыфінгу ў «Укрынформе».

Паводле яго слоў, украінскія памежнікі не бачаць прыкмет павелічэння ваенных груповак на тэрыторыі Беларусі паблізу ўкраінскай мяжы. Таксама не фіксуюцца правакацыйныя дзеянні ў непасрэднай блізкасці ад дзяржаўнай мяжы.

У той жа час ён адзначыў, што Расія працягвае выкарыстоўваць паветраную прастору Беларусі для запуску беспілотнікаў тыпу «Шахед» і «Гербера».

«Гэта датычыцца і інжынернага ўмацавання непасрэдна лініі мяжы, і нарошчвання мінна-выбуховых загарод, якія ажыццяўляюць падраздзяленні ЗСУ на найбольш пагрозлівых напрамках, каб зрабіць немагчымым свабодны праезд тэхнічных сродкаў», — заявіў Демченко.

Ён дадаў, што ўкраінскі бок узмацняе фартыфікацыйныя збудаванні і абарончыя магчымасці на ўсёй працягласці мяжы з Беларуссю.