У ЗША ліквідавалі мужчыну, які ўзяў людзей у закладнікі ў банку

• 4.06.2026, 2:48

Ніхто з закладнікаў не пацярпеў.

Супрацоўнікі ФБР ліквідавалі мужчыну, які ўтрымліваў у закладніках некалькі чалавек у банку амерыканскага горада Бэйкерсфілд (штат Каліфорнія). Пра гэта паведамілі ў акаўнце мясцовай паліцыі ў сацсетцы X.

«Сітуацыя з закладнікамі была вырашаная пасля страляніны з удзелам супрацоўнікаў ФБР», — гаворыцца ў паведамленні.

Падазраваны не выжыў. Ніхто з закладнікаў не пацярпеў.

Напярэдадні паведамлялася, што невядомы мужчына захапіў некалькі закладнікаў у банку Chase на скрыжаванні Чэстэр-авеню і 17-й вуліцы і забарыкадаваўся ў ім. Пазней ён адпусціў аднаго з наведвальнікаў банка. Паліцыя меркавала, што зламыснік можа мець пры сабе выбуховую прыладу.