У мінскім парку Чалюскінцаў «хлопнуў» атракцыён

• 4.06.2026, 12:04

Пасля з яго пайшоў дым.

У парку Чалюскінцаў у Мінску атракцыён «Вежа свабоднага падзення» падчас катання людзей выдаў хлопаючы гук, пасля чаго з яго пайшоў дым. Відэа з інцыдэнтам выклаў паблік «Мінск. Галоўнае!».

«Катанне на „Вежы свабоднага падзення“ ў парку Чалюскінцаў пайшло не па плане», — падпісана відэа.

На ім таксама відаць, што пасля хлопку атракцыён «завіс» у паветры.

У «Атракцыён груп» патлумачылі, што адбылося.

«Выціснула гумовае ўшчыльненне, з-за чаго разгерметызавалася гідраўлічная магістраль. Атракцыён спынілі, наведвальнікаў высадзілі. Рызыкі для жыцця і бяспекі людзей не было», — паведамляе агенцтва «Мінск-навіны».