У Беларусі ідуць вобшукі па «справе ЕГУ»

• 4.06.2026, 17:27

Бацькам студэнтаў пагражаюць.

Больш за 30 вобшукаў па ўсёй краіне правялі сілавікі у межах «справы ЕГУ», пішуць праваабаронцы «Вясны».

Гаворка пра выпускнікоў, студэнтаў і іншых людзей, звязаных з універсітэтам, а таксама ў іх сваякоў. Ім пагражаюць крымінальным пераследам, калі студэнт не адлічыцца з ВНУ.

«Бацькоў прымушаюць звязвацца з дзецьмі, якія вучацца ў ЕГУ і жывуць у Літве, каб тыя адлічыліся і вярнуліся ў Беларусь. Ім даюць да 10 дзён на адлічэнне з універсітэта. Сілавікі наўпрост заяўляюць: калі іх дзеці не пакінуць ЕГУ, то ў межах крымінальнай справы будуць затрыманыя самі бацькі. Вядома, што некаторыя сваякі студэнтаў ужо затрыманыя», — пішуць праваабаронцы.