Міжнародныя рэзервы Расіі за тыдзень скараціліся на $5,1 млрд

• 4.06.2026, 20:00

Банк РФ назваў прычыну.

Міжнародныя рэзервы Расіі за тыдзень, з 22 па 29 мая, скараціліся на $5,1 млрд, паведамляе Банк Расіі.

Паводле дадзеных ЦБ РФ, па стане на 29 мая аб'ём міжнародных рэзерваў склаў $748,7 млрд. 22 мая ў расійскіх міжнародных рэзервах знаходзілася $753,8 млрд. Скарачэнне на 0,7% адбылося ў асноўным з-за адмоўнай пераацэнкі, паведамляе Банк Расіі.

Міжнародныя рэзервы — высокаліквідныя фінансавыя актывы Банка Расіі і ўрада РФ. Яны ўключаюць замежную валюту, манетарнае золата, спецыяльныя правы запазычання (СДР), рэзервную пазіцыю ў МВФ і іншыя рэзервныя актывы.