Пуцін пра прымяненне «Арэшніка»: Ударылі па «сараі» ва Украіне, каб паглядзець, як леглі блокі

• 4.06.2026, 20:40

Дыктатар РФ зрабіў чарговую цынічную заяву.

Дыктатар Расіі Уладзімір Пуцін заявіў, што апошні ўдар ракетным комплексам «Арэшнік» па Украіне быў нанесены «ў выпрабавальных мэтах» — для таго, каб паглядзець, «як леглі блокі». Пра гэта ён паведаміў на сустрэчы з кіраўніцтвам міжнародных агенцтваў падчас ПМЭФ-2026.

«Арэшнікам» ударылі па «сараі» ва Украіне, каб паглядзець, як леглі блокі, гэта патрэбна для будучага прымянення зброі», — сказаў Пуцін. Па яго словах, фактычна нібыта ніводнага баявога прымянення «Арэшніка» па мэтах ва Украіне не было. Дыктатар удакладніў, што ідзе пра Белую Царкву ў Кіеўскай вобласці і раёны «ДНР» у межах «асноўнага ўмацаванага раёна».

Расія нанесла ўдар туды, дзе было зручна паглядзець вынікі, цынічна дадаў дыктатар РФ. Пуцін не выключыў у будучыні рашэнняў аб поўнафарматным прымяненні «Арэшніка» ў раёне гарадской забудовы.