Зяленскі зрабіў аптымістычную заяву адносна ўступлення ў ЕС

• 4.06.2026, 22:01

Прэзідэнт Украіны абвясціў пра важныя крокі ўлетку.

Украіна цалкам выканала сваю частку працы для пераходу да наступнага этапу інтэграцыі з Еўрапейскім саюзам. Цяпер краіна чакае ад партнёраў адкрыцця першых перамоўных кластараў.

Пра гэта заявіў прэзідэнт Украіны Уладзімір Зяленскі, паведамляе яго афіцыйны Telegram-канал.

Паводле слоў кіраўніка дзяржавы, Украіна дакладна трымалася вызначаных тэрмінаў у межах падрыхтоўкі да перамоўнага працэсу.

Пазітыўныя зрухі намеціліся, у прыватнасці, пасля ўнутраных змяненняў у суседняй Венгрыі.

«Ёсць прагрэс і ў напрамку нашых перамоў з Еўрапейскім саюзам адносна сяброўства Украіны. У нас будзе вельмі дакладны графік магчымасцяў для руху ў перамовах, тым больш пасля змяненняў у Венгрыі», — падкрэсліў Зяленскі.

Ён дадаў, што ўкраінскі бок разлічвае перайсці да адкрыцця кластараў ужо ў чэрвені гэтага года. Каманда Украіны штодня падтрымлівае сувязь з прадстаўнікамі ЕС.

Паводле слоў прэзідэнта, кожная пазітыўная навіна з Бруселя мае надзвычай вялікае значэнне для матывацыі ўкраінскага народа, бо яна пацвярджае правільнасць абранага шляху і падтрымку з боку партнёраў.