Пецярбургскі форум – вітрына пуцінізму

• Аляксандр Невзораў
• 5.06.2026, 5:53

Можна раз на год ацаніць хуткасць апупення эліт.

Пецярбургскі форум – вітрына пуцінізму.

Вядома, ПМЭФ вельмі карысны як індыкатар азвярэння і атупення Расіі. Дзякуй усім асобам, што сабраліся ў павільёнах форуму і нарэшце далі магчымасць дакладна ацаніць ступень дэградацыі РФ. Вельмі добра, што раз на год можна замераць і ацаніць хуткасць апупення і метамарфоз рас-эліт. Імклівасць масавай дэгенерацыі ўражвае.

Судзячы па той карціне, якую прапануе ПМЭФ-2026, ніякіх надзеяў на вяртанне да чалавечнасці і да цывілізацыі ў РФ няма. Поўнасцю страчаныя не толькі найпрасцейшыя катэгорыі «дабра – зла», але і наогул кантакт з рэчаіснасцю. Пройдзе зусім няшмат часу, і ліквідацыя дзяржаўнасці і поўны дэмонтаж гэтай краіны стануць ідэяй-фікс усяго чалавецтва.

ПМЭФ-2026 ва ўсіх падрабязнасцях абазначыў мэты рускага фашызму. Краіна павінна стаць праваслаўнай дыктатурай, якая будзе стэрыльная ад любога іншадумства і сарыентаваная на забеспячэнне «пераможных войнаў», што павінны не толькі вярнуць межы СССР, але і «паставіць на калені» Еўропу і частку Азіі. РФ павінна не толькі ўтроіць колькасць ядзернай зброі, але і правесці паказальныя «ядзерныя расправы» з тымі тэрыторыямі, што будуць супраціўляцца ўсталяванню «рускага свету і рускіх парадкаў».

Руская праваслаўная раса афіцыйна павінна быць замацаваная ў статусе «гаспадыні кантынента». У мроях рускіх фашыстаў, канечне, аднаўленне сістэмы ГУЛАГ, але арыентаванай на стварэнне наймагутнейшага ваенна-прамысловага комплексу ў свеце (заводы-турмы). Прадугледжваецца і татальнае трыумфаванне «сямейных каштоўнасцяў», г.зн. права мужоў біць і выхоўваць жонак. Шматдзетнасць абавязковая.

Ніякіх унутраных сіл супраціву трыумфуючай шызафрэніі Дугіных, Глазевых, Захаравых, Малафеевых у краіне няма. Як мы бачым, цяпер менавіта яны робяць усё, што хочуць, і вызначаюць усе вектары яе развіцця.

Калі мінулыя форумы фіксавалі толькі «агмені» паражэнняў мозгу, дык ПМЭФ-2026 дэманструе, што нацыянальная шызафрэнія татальная.

Аляксандр Невзораў, telegram