Пашынян падчас дэбатаў на тэлебачанні ўдарыў па Лукашэнку

• 5.06.2026, 9:36

Прэм’ер Арменіі заявіў, што краіна выйдзе з АДКБ, калі будзе трэба.

Калі Арменіі будзе трэба, яна выйдзе з АДКБ. Пра гэта падчас перадвыбарчых дэбатаў на Грамадскім тэлебачанні заявіў прэм’ер-міністр Арменіі Нікол Пашынян, піша News.am.

«Мы вырашым [выходзіць ці не з АДКБ], замежныя агенты не будуць вырашаць, што рабіць. Мы не дазволім, каб Лукашэнка зноў стаў нашым гарантам», — заявіў Пашынян.

Апанент дзейнага прэм’ера, прадстаўнік партыі «Моцная Арменія» Нарэк Карапетян удакладніў, што значыць «замарозка членства».

— Што значыць: замарозілі членства ў АДКБ? Не працуе — выходзьце, — заявіў Карапетян, заклікаўшы спачатку знайсці гаранта паміж Арменіяй і Азербайджанам.

— Дык і выйдзем з АДКБ. Вы што, нас пужаеце? Ні вы, ні ваш дзядзька не вырашаеце. Вырашым — і выйдзем. А гарантамі з’яўляюцца Арменія, дзяржава, армія, — падкрэсліў Пашынян.

У дзень дэбатаў стала вядома, што Еўрасаюз выдзеліць Арменіі 50 млн еўра і акажа іншую падтрымку на фоне абмежаванняў, якія ўводзіць Расія.

24 мая прэм’ер-міністр краіны Нікол Пашынян падчас сустрэчы з выбарцамі ў межах перадвыбарчай кампаніі заявіў, што Арменія разлічвае максімум праз два гады ўвесці бязвізавы рэжым з Еўрасаюзам.

Заўважым: застаючыся на паперы членам АДКБ, ваеннага саюза пад кіраўніцтвам Расіі, Арменія ўжо фактычна ў ім не ўдзельнічае. І хоць краіна застаецца членам Еўразійскага эканамічнага саюза, яе ўлады ставяць мэтай уступленне ў Еўрасаюз.