У Гомелі матацыкліст урэзаўся ў ВАЗ

• 5.06.2026, 12:59

Легкавы аўтамабіль паварочваў налева і не саступіў дарогу.

У Гомелі матацыкліст пацярпеў у ДТЗ з удзелам аўтамабіля ВАЗ. Аварыя адбылася 4 чэрвеня а 19:10.

Устаноўлена, што 33-гадовы кіроўца легкавога аўтамабіля пры павароце налева не саступіў дарогу матацыклу Yuanda.

Паводле інфармацыі ДАІ Гомельскай вобласці, матацыкліст рухаўся ў сустрэчным напрамку. Пасля таго як кіроўца ВАЗа пачаў паварот, адбылося сутыкненне. Судзячы з відэа, удар прыпаў на заднюю частку аўтамабіля.

З траўмамі матацыкліста даставілі ў бальніцу. Пасля аказання дапамогі яго адпусцілі дадому.