У Беларусі прадаюць былы ваенны штаб

• 5.06.2026, 16:07

Трохпавярховы будынак ацанілі ўсяго ў адну базавую велічыню.

Унікальны аб’ект у Рэчыцы выставілі на продаж усяго за адну базавую, піша «БУТБ-Имущество».

Ідзе пра так званы будынак штаба на вул. Нафтавікаў — былы ваенны аб’ект на тэрыторыі закінутай вайсковай часці.

Трохпавярховы будынак штаба з’яўляецца недабудаваным. Агульная яго плошча складае 1673,7 м².

Зямельны ўчастак, на якім знаходзіцца пабудова, прадастаўляецца без аўкцыёна. Дакладны адрас — вул. Нафтавікаў, 86.

Будучы ўласнік можа размясціць там краму, цэнтр бытавога абслугоўвання, спартыўныя, аздараўленчыя і сацыяльныя аб’екты.

Згодна з умовамі продажу, новы ўласнік павінен пачаць рэканструкцыю не пазней як праз адзін год і завяршыць яе на працягу двух гадоў пасля заключэння дагавора куплі-продажу. Выкарыстоўваць будынак неабходна не менш за год.

Але ёсць важны нюанс — на капітальную пабудову за 45 рублёў няма дакументаў, што пацвярджаюць дзяржаўную рэгістрацыю правоў на гэту маёмасць.