Пуцін у адказ на ліст Зяленскага звярнуўся да войскаў РФ фразай «Працуйце, браты»

• 5.06.2026, 18:39

Дыктатар РФ мае намер працягваць вайну.

Дыктатар Расіі Уладзімір Пуцін у адказ на ліст украінскага лідара Уладзіміра Зяленскага звярнуўся да расійскіх вайскоўцаў. Ён зрабіў гэта падчас Пецярбургскага міжнароднага эканамічнага форуму (ПМЭФ).

Пуцін адзначыў, што ў лісце ад украінскага прэзідэнта прысутнічаюць «элементы хамства». Ён ацаніў гэта так, што украінскі лідар спрабуе стварыць абстаноўку, пры якой перамовы нібыта будуць немагчымыя.

Дыктатар Расіі прыйшоў да высновы, што ён павінен звярнуцца не да ўкраінскага боку, а да расійскіх вайскоўцаў, якія знаходзяцца на лініі фронту.

«Уся краіна ганарыцца вамі і спадзяецца на вас... Працуйце, браты!» — сказаў ён.