У крамы Беларусі завезлі трапічны плод «залаты дракон»

• 5.06.2026, 20:43

Што гэта такое.

У крамы краіны паступіла легендарнае міні-манга. Гэта гатунак «гуйфэй».

Кошт аднаго кілаграма міні-манга — 13,99.

Як паведамляюць чытачы Tochka.by, плады былі заўважаныя ў супермаркетах Брэста, але яны ўжо ёсць у многіх гарадах краіны.

Заўважым, што іншая назва гатунку «гуйфэй» — «чырвоны залаты дракон». Гэта невялікія плады з тонкай скуркай.

Што да смаку, дык асноўная нота — яскравая, канцэнтраваная салодкасць: мядова-нэктарынавая, з трапічнымі адценнямі манга і з лёгкай абрыкосава-персікавай кіслінкай.

А вось водар інтэнсіўны, кветкавы, вельмі мангавы, часам з лёгкай карамельнай нотай.

У цэлым «гуйфэй» лічыцца адным з самых вытанчаных трапічных гатункаў у свеце.