Узброеныя сілы Украіны магутным ударам знішчылі базу «Молния» ў Пакроўску

• 5.06.2026, 21:48

Відэа.

Сілы абароны Украіны паспяхова паразілі пазіцыю акупантаў у цэнтральнай частцы Пакроўска, якую тыя выкарыстоўвалі для паветранай разведкі і запуску беспілотнікаў.

Пра гэта паведамляе Charter97.org са спасылкай на 7-ы корпус хуткага рэагавання Дэсантна-штурмавых войскаў Узброеных Сіл Украіны.

Паводле наяўнай у вайскоўцаў інфармацыі, нядаўна Сілы абароны нанеслі дакладны авіяўдар па аб’екце ў цэнтры горада.

Расійскія захопнікі абсталявалі там пляцоўку для ўзлёту і запуску ўдарных БПЛА тыпу «Молния», а таксама базу падраздзялення авіярозведкі.

«Паражэнне аб’екта ўскладніла працу варожых беспілотных падраздзяленняў на напрамку і паменшыла магчымасці праціўніка па разведцы і нанесенні удараў», — адзначылі ў 7-м корпусе хуткага рэагавання ДШВ.

Вораг не пакідае спроб назапашваць сілы і сродкі ў Пакроўску, імкнучыся падтрымліваць далейшыя наступальныя дзеянні ў паласе адказнасці падраздзяленняў ДШВ.

Адзін з прыярытэтаў расійскай арміі — пашырэнне сеткі пунктаў кіравання дронамі непасрэдна ў межах горада.

Для гэтага акупанты цынічна выкарыстоўваюць грамадзянскую інфраструктуру — жылую забудову і шматпавярховыя дамы, бетонныя сховішчы, падвалы і пад’езды будынкаў.

Украінскія вайскоўцы адзначаюць, што сістэмна выяўляюць і знішчаюць падобныя схаваныя мэты ворага.