Макрон, Мерц і Стармер сустрэнуцца з Зяленскім у Лондане

• 5.06.2026, 22:15

Сустрэча адбудзецца 7 чэрвеня.

Прэзідэнт Францыі Эманюэль Макрон, канцлер Германіі Фрыдрых Мерц і прэм’ер-міністр Вялікабрытаніі Кір Стармер правядуць у Лондане сустрэчу з украінскім лідарам Уладзімірам Зяленскім, паведамляе Reuters са спасылкай на заяву Елісейскага палаца.

«Гэта сустрэча дазволіць ім працягнуць цесную каардынацыю па нашым агульным парадку дня, які ўключае далейшую падтрымку Украіны», — гаворыцца ў заяве.

Як паведамляў BFM TV, сустрэча еўрапейскіх лідараў з Зяленскім «дасць магчымасць абмеркаваць патэнцыйныя перамовы з Расіяй».