Трамп: Хай Зяленскі і Пуцін самі разбіраюцца з вайной

• 6.06.2026, 9:51

Прэзідэнт ЗША заявіў, што ён ужо дапамог.

Прэзідэнт Злучаных Штатаў Амерыкі Дональд Трамп выказаўся наконт заканчэння вайны, развязанай Расіяй. Ён лічыць, што Украіна і РФ далей павінны разбірацца самі, і перакананы, што пытанне неўзабаве павінна быць вырашана.

Пра гэта Трамп сказаў, размаўляючы з журналістамі на борце самалёта Air Force One. У яго спыталі, ці хоча ён першага кроку ад прэзідэнта Украіны Уладзіміра Зяленскага і расійскага дыктатара Уладзіміра Пуціна па заканчэнні вайны, перш чым ЗША далучацца да перамоваў з імі.

«Я не супраць. Хай яны гэтым займаюцца. Менавіта я прывёў іх да гэтай пазіцыі, і думаю, што гэта будзе ўрэгулявана. Думаю, мы набліжаемся да моманту, калі пытанне паміж Расіяй і Украінай павінна быць вырашана», – адказаў амерыканскі лідар.

Ён адзначыў, што верыць у заканчэнне вайны ва Украіне, і чарговы раз дадаў, што яе ніколі не павінна было быць.