У зборнай Беларусі па футболе з’явіўся найстарэйшы ў гісторыі дэбютант

• 7.06.2026, 8:59

Яго прысутнасць дапамагла здабыць трэцюю запар перамогу.

5 чэрвеня нацыянальная зборная Беларусі па футболе згуляла на нацыянальным стадыёне і буйна перамагла Сірыю з лікам 4:1. Гэта ўжо трэцяя запар перамога пад кіраўніцтвам Віктара Ганчарэнкі. Але гэты матч выклікаў цікавасць не толькі з гэтай прычыны.

У матчы дэбютаваў паўабаронца «Нёмана» Міхаіл Козлаў, які стаў найстарэйшым дэбютантам нацыянальнай зборнай Беларусі. Першы матч у яе складзе ён правёў ва ўзросце 36 гадоў 113 дзён. Як адзначае «Прэсбол», да гэтага рэкорд складаў 34 гады 256 дзён.

Акрамя таго, у такім паважным узросце за зборную Беларусі гулялі (а не проста «дэбютавалі»!) толькі чатыры футбалісты. Козлаў у спісе «старэйшын» нацыянальнай каманды цяпер займае пятае месца.

Міхаіл Козлаў нарадзіўся ў 1990 годзе ў Магілёве. Гуляў за мясцовы «Дняпро», «Віцебск», «Дынама» (Мінск), з 2023-га — у «Нёмане».