Сіноптыкі назвалі раёны Беларусі, дзе пройдуць моцныя дажджы

• 7.06.2026, 16:03

Абвешчаны аранжавы ўзровень небяспекі.

Сіноптыкі назвалі раёны Беларусі, дзе пройдуць моцныя дажджы ў панядзелак, 8 чэрвеня. Пра гэта паведамляе партал pogoda.by.

За надвор'е ў рэспубліцы 8 чэрвеня будуць адказваць актыўныя франтальныя раздзелы, а таксама неўстойлівая паветраная маса. Будзе пераважаць воблачнае з праясненнямі надвор'е. Уначы ў паўднёвых і цэнтральных раёнах Беларусі, а раніцай і ўдзень на большай частцы тэрыторыі пройдуць моцныя дажджы. У многіх раёнах прагназуюцца навальніцы.

Вецер будзе пераменных напрамкаў, а падчас навальніц парывісты. Удзень мясцамі, дадаюць сіноптыкі, магчыма шквалістае ўзмацненне ветру з парывамі ад 15 да 20 метраў за секунду. З гэтай прычыны абвешчаны аранжавы ўзровень небяспекі.

Тэмпература паветра ўначы складзе ад +11 да +17 градусаў. Удзень будзе ад +17 да +23 градусаў. На ўсходзе Беларусі паветра прагрэецца да +29 градусаў.