Пажар на базе Ваенна-марскога флоту РФ пад Піцерам бачны з космасу

• 7.06.2026, 20:17

Узброеныя сілы Украіны спалілі 5000 тон расійскіх боепрыпасаў.

Падчас атакі ўкраінскіх беспілотнікаў на базу захоўвання ўзбраення Ваенна-марскога флоту РФ у населеным пункце Вялікая Іжора ў Ленінградскай вобласці было знішчана 5000 тон боепрыпасаў, піша «Дыялог», спасылаючыся на інфармацыю ў расійскіх пабліках.

У паведамленні гаворыцца, што ў налёце ўдзельнічалі 40 дронаў, і 8 з іх дасягнулі сваіх мэтаў. Удары былі нанесеныя па наземных ангарах з узбраеннем. У выніку трапленняў адбылася дэтанацыя змесціва.

«Агульная колькасць страчанай маёмасці — каля 5000 тон, пераважна артылерыйскія боепрыпасы розных калібраў і інжынерныя боепрыпасы», — піша канал.

Таксама паведамляецца пра ліквідацыю двух ваенных арсеналаў.

Тым часам пажары на згаданым арсенале бачны з космасу. Пра гэта сведчаць здымкі, зробленыя спадарожнікам Sentinel-2.