Экзітполы: Партыя Пашыняна перамагае на выбарах у Арменіі

• 7.06.2026, 20:50

Зафіксавана высокая яўка.

У Арменіі завяршылася галасаванне на парламенцкіх выбарах, якія лічаць аднымі з найважнейшых для краіны за апошнія гады. Мясцовыя СМІ пачалі паведамляць вынікі апытанняў экзітполаў.

Выданне news.am піша, што ўзначаленая прэм'ер-міністрам Арменіі Ніколам Пашынянам партыя «Грамадзянскі дагавор» атрымлівае 32,7% галасоў.

«Моцная Арменія» Самвела Карапетяна набірае 29% галасоў, блок «Арменія» Роберта Качаряна — 13,2%, партыя «Працвітаючая Арменія» Гагіка Царукяна — 6,1%, партыя «Крылы адзінства» Армана Татояна — 4,6%.

Яўка на парламенцкіх выбарах у Арменіі склала 58,97%, паведамляе ЦВК.

Паводле паведамлення інтэрнэт-рэсурсу Civic News, партыя «Грамадзянскі дагавор», узначаленая Пашынянам, атрымлівае 56,7% галасоў.

Больш дакладных вынікаў галасавання варта чакаць бліжэй да паўночы паводле мясцовага часу (11 вечара па Мінску).