Беларускія вадзіцельскія правы прызнаюць яшчэ ў адной краіне

• 7.06.2026, 21:14

Раней нашы дакументы прызналі ў Азербайджане.

Беларусь і Кіргізстан падпісалі пагадненне аб узаемным прызнанні і абмене нацыянальных вадзіцельскіх пасведчанняў. Пра гэта паведамілі ў прэс-службе нашага ўрада.

Дакумент падпісалі прэм’ер-міністр Беларусі Аляксандр Турчын і старшыня Кабінета міністраў — кіраўнік Адміністрацыі прэзідэнта Кіргізстана Адылбек Касымаліеў.

Пасля ўступлення пагаднення ў сілу беларускія вадзіцельскія правы будуць дзейнічаць у Кіргізстане, а кіргізскія — у нашай дзяржаве.

Гэта спросціць жыццё тым, хто часта ездзіць паміж дзвюма краінамі, працуе за мяжой або плануе пераезд.

Акрамя таго, дакумент прадугледжвае магчымасць абмену такіх пасведчанняў. То-бок кіроўца зможа замяніць нацыянальнае пасведчанне на мясцовае паводле ўстаноўленай працэдуры.

Раней, як пісаў сайт Charter97.org, беларускія вадзіцельскія правы прызналі ў Азербайджане.