Матч паміж зборнымі Даніі і Украіны тэрмінова прыпынілі

• 7.06.2026, 21:40

Футбаліст Эрыксен, у якога раней былі праблемы з сэрцам, страціў прытомнасць.

Падчас таварыскага матчу паміж зборнымі Даніі і Украіны адбыўся жудасны эпізод, піша New Voice.

У другім тайме на 65-й хвіліне паўабаронца датчан Крысціян Эрыксен раптоўна схапіўся за грудзі і ўпаў на газон.

Гульцы абедзвюх каманд адразу акружылі Эрыксена, а медыцынскі персанал аператыўна выйшаў на поле і аказаў футбалісту дапамогу. З-за інцыдэнту гульня была прыпыненая.

На трыбунах стадыёна ў Оденсе балельшчыкі пачалі скандаваць прозвішча Эрыксена, падтрымліваючы гульца.

Пазней футбаліст апрытомнеў, але гульню вырашылі не працягваць. На момант спынення Данія вяла 2:1.

Данія адкрыла лік на 13-й хвіліне, калі Доргу змясціўся з фланга ў цэнтр і здалёку моцна пробіў у правы кут.

На 36-й хвіліне датчане падвоілі перавагу — Трубін адбіў удар Хега, але Мэле згуляў на дабіванні — 2:0.

Украіна адквітала адзін мяч у канцы першага тайма. На 44-й хвіліне Міколенка разагнаў атаку, Ярэмчук не рэалізаваў момант, аднак Цыганкоў скарыстаўся памылкай у абароне і адправіў мяч у пустыя вароты. Пасля гэтага ў варотах гаспадароў апынуўся яшчэ адзін мяч, аднак гол Ярэмчука адмянілі з-за афсайду.

12 чэрвеня 2021 года падчас матчу Еўра-2020 паміж Даніяй і Фінляндыяй Крысціян Эрыксен страціў прытомнасць і ўпаў на газон. Пазней футбаліст апрытомнеў, і высветлілася, што ён перажыў прыпынак сэрца. Пасля гэтага яму ўсталявалі кардыёвертар-дэфібрылятар.