Іран запусціў ракеты ў бок Ізраіля

• 7.06.2026, 22:24

Задзейнічаныя сістэмы супрацьпаветранай абароны.

Ізраільскія вайскоўцы зафіксавалі запуск ракет з тэрыторыі Ірана. Пра гэта паведамляе Армія абароны Ізраіля (ЦАХАЛ) ў сваім тэлеграм-канале.

У публікацыі адзначаецца, што для перахопу пагрозы былі задзейнічаныя сістэмы супрацьпаветранай абароны. Камандаванне грамадзянскай абароны накіравала папераджальнае паведамленне на мабільныя тэлефоны грамадзян, якія могуць знаходзіцца ў зоне небяспекі.

Да гэтага прадстаўнік камісіі па нацыянальнай бяспецы і знешняй палітыцы іранскага парламента Ібрагім Рэзаі заявіў, што Іран рашуча і «балюча» адкажа на ўдар арміі Ізраіля па паўднёвым прыгарадзе Бейрута.

7 чэрвеня ізраільскія вайскоўцы нанеслі ўдар па аб'екце тэрарыстаў з «Хізбалы» ў Дахіі — паўднёвым прыгарадзе Бейрута.