Партыя армянскага сябра Лукашэнкі — па-за бортам парламента

• 8.06.2026, 11:52

Не хапіла 0,004% галасоў.

Партыя «Працвітаючая Арменія» Гагіка Царукяна не праходзіць у парламент. Паводле вынікаў падліку 100% галасоў выбаршчыкаў яна атрымала 3,996% галасоў. Пра гэта паведамілі ў Цэнтральнай выбарчай камісіі краіны.

Паводле ўдакладненых даных, партыя армянскага прэм’ер-міністра Нікола Пашыняна «Грамадзянскі дагавор» набрала 49,825%. Блок «Моцная Арменія» атрымаў 23,281%, а блок «Арменія» — 9,934%, паведамілі ў ЦВК. Старшыня Цэнтрвыбаркама Ваагн Овакімян паведаміў, што вынікі былі скарэктаваныя, бо не ўключалі даныя электроннага галасавання.

Гагік Царукян і Аляксандр Лукашэнка падтрымліваюць цесныя сувязі — Царукян называе яго «сваім сябрам». Пасольства Беларусі ў Арменіі знаходзіцца побач з асабняком Царукяна ў вёсцы Арындж на ўскраіне Ерэвана.