У лесе пад Гроднам заўважылі шакала

• 8.06.2026, 13:06

Гэта рэдкі госць для нашай краіны.

У лясах Гродзеншчыны ўбачылі звера, рэдкага для нашых краёў. У аб'ектыў фотапасткі трапіў шакал.

Кадры былі зробленыя каля спецыяльнай пасткі з прынадай, якую паляўнічыя пакідаюць, каб выманіць драпежніка і чакаць яго ў засадзе.

Галоўнае адрозненне шакала ад ваўка — гэта яго памеры: ён значна меншы, мае больш вострую морду і кароткі хвост. Гэты драпежнік сілкуецца пераважна дробнымі жывёламі, птушкамі і падаллю.

Для беларускіх лясоў шакал пакуль застаецца рэдкім госцем.