На пляжы пад Сочы пачалася паніка з-за дронаў

• 8.06.2026, 16:06

У сеціве паказалі, як расіяне ўцякаюць з узбярэжжа падчас паветранай трывогі.

Вайна, якую Расія развязала супраць Украіны, усё больш актыўна вяртаецца на тэрыторыю самой краіны-агрэсара, разбураючы звыклы камфорт нават на аддаленых курортах. Як паведамляе «Цензор.НЕТ», у сеціве апублікавалі красамоўны відэазапіс, які зафіксаваў панічныя ўцёкі расійскіх адпачывальнікаў з узбярэжжа Чорнага мора.

Інцыдэнт адбыўся на тэрыторыі пасёлка Сірыус каля Сочы, дзе была абвешчана паветраная трывога з-за пагрозы атакі ўдарных беспілотнікаў.

На апублікаваных кадрах бачна, як расійскія пляжнікі наперагонкі ўцякаюць з прыбярэжнай зоны.

«Сірыус, Сочы. Неадкладная эвакуацыя пляжа ўчора з-за атакі беспілотнікаў. Адпачынак у РФ, 2026 год», — лаконічна каментуюць відэа аўтары публікацыі.