З’явіліся ўражлівыя кадры магутнага выбуху ў Белгародскай вобласці

• 8.06.2026, 21:12

Відэафакт.

У сеціве з’явіліся дадатковыя кадры магутнага выбуху ў Белгародскай вобласці РФ, знятыя мясцовым жыхаром.

Як паведамляе Цензор.НЕТ, на відэа бачны вялікі слуп дыму, які падымаецца над месцам выбуху, а таксама чутныя гукі наступнай дэтанацыі.

Паводле звестак мясцовых СМІ, інцыдэнт адбыўся ў раёне вёскі Беловское недалёка ад Белгарада.

Спачатку паведамлялася пра верагоднае падзенне расійскай авіябомбы ФАБ, аднак пазней з’явіліся паведамленні, што выбух мог адбыцца на складзе боепрыпасаў.

У той жа час шэраг расійскіх СМІ дапускае, што дэтанацыя магла быць наступствам атакі беспілотніка на склад з боепрыпасамі.

Афіцыйна расійскія ўлады заявілі толькі пра факт дэтанацыі, не ўдакладняючы яе прычын.

Паводле інфармацыі Белгарадскага аператыўнага штаба, у выніку выбуху пашкоджаны жылыя дамы і адміністрацыйны будынак, а пяцёра мясцовых жыхароў атрымалі кантузіі.