Пуцін спалохаўся атакі дронаў на рэзідэнцыю ў Валдаі

• 9.06.2026, 8:17

Фотафакт.

У Ноўгарадскай вобласці Расійскай Федэрацыі паблізу ад рэзідэнцыі Уладзіміра Пуціна ў Валдаі з'явіліся антыдронныя сеткі — спецыяльныя ахоўныя канструкцыі супраць атак з паветра.

Як паведаміў украінскі валанцёр Сяргей Стерненка, над паркоўкамі для грузавога транспарту ўздоўж трасы М-10 былі нацягнутыя сеткі, прызначаныя для супрацьдзеяння беспілотнікам.

Такія канструкцыі часта выкарыстоўваюцца ўкраінскім і расійскім бакамі на прыфрантавых тэрыторыях. Паводле ягоных звестак, у гэтым выпадку яны размешчаныя ўсяго прыблізна ў дзевяці кіламетрах ад рэзідэнцыі расійскага дыктатара.

Ён таксама апублікаваў фатаграфіі, на якіх гэта наглядна паказана. Па фота відаць, што грузавікі ўжо актыўна выкарыстоўваюць новыя ахоўныя канструкцыі на трасах.