Затрыманы падазраваны ў масавым атручванні дзяцей у Мінскай вобласці

• 9.06.2026, 17:38

Прадукцыя прадпрыемства адкліканая і вылучаная.

На адным з прадпрыемстваў, што адказвае за выраб і пастаўку малочнай прадукцыі, выяўлены парушэнні санітарна-эпідэміялагічных нормаў, дапушчаныя работнікам падчас вытворчага працэсу, паведаміў Следчы камітэт.

Падазраваны затрыманы супрацоўнікамі міліцыі ў межах крымінальнай справы па ч. 1 арт. 336 Крымінальнага кодэкса. Прадукцыя адкліканая і вылучаная з мэтай недапушчэння яе далейшай рэалізацыі.

Нагадаем, 2-3 чэрвеня ў прыёмнае аддзяленне Барысаўскай ЦРБ паступілі 30 дзяцей дашкольнага ўзросту — ад 2 гадоў 8 месяцаў да 8 гадоў. Усе яны — выхаванцы адзінаццаці дашкольных устаноў Барысава.

З іх 27 дзяцей былі шпіталізаваныя з папярэднім дыягназам «Востры гастраэнтэрыт». Стан на момант паступлення ацэньваўся як сярэдняй ступені цяжкасці.

Акрамя Барысава, у Мінскай вобласці дадаткова выяўлены 13 пацярпелых.