Поўдзень Расіі — у агні

• 10.07.2026, 8:02

Гараць нафтабазы, НПЗ і портавы тэрмінал.

У ноч на 10 ліпеня беспілотнікі атакавалі адразу некалькі аб'ектаў паліўнай інфраструктуры ў Расіі. Пажары былі зафіксаваныя на Ільскім нафтаперапрацоўчым заводзе ў Краснадарскім краі і на портавым тэрмінале ў Таганрозе Растоўскай вобласці. Таксама паведамляецца аб паражэнні нафтабазы і аптычна-механічнага завода ў горадзе Азоў.

Аб гэтым паведамляе Telegram-канал Еxilenovat.me.

Паводле дадзеных крыніцы, удару падвергнуўся Ільскі нафтаперапрацоўчы завод у Краснадарскім краі. У сацсетках распаўсюджваюцца відэа, на якіх, як сцвярджаецца, бачны пажар на тэрыторыі прадпрыемства.

Акрамя таго, паводле паведамленняў мясцовых жыхароў, пажар узнік у раёне порта Таганрога. Паводле папярэдніх дадзеных, гарыць портавы тэрмінал ТАА «Курганнефтепродукт» (ААТ «Югтранзитсервис»), які спецыялізуецца на перавалцы нафтапрадуктаў з чыгуначнага транспарту на марскія судны.

Таксама Telegram-каналы паведамляюць аб паражэнні нафтабазы і аптычна-механічнага завода ў горадзе Азоў.

Паводле дадзеных Exilenova+, у выніку атакі ў Азове ўзнікла некалькі ачагоў узгарання. OSINT-аналітыкі пацвярджаюць маштабны пажар на нафтабазе.