Турцыя пазбавілася С-400

• 10.07.2026, 14:24

Анкара перапродала расійскія ЗРК на Блізкі Усход.

Зенітныя ракетныя сістэмы С-400, набытыя Турцыяй у Расіі, прададзеныя адной з краін Персідскага заліва, паведамляе турэцкае выданне Hürriyet.

«Паводле наяўных у мяне звестак, С-400 прададзеныя трэцяй краіне. С-400 накіроўваюцца ў адну з краін Персідскага заліва», — піша журналіст выдання Абдулкадыр Селві.

Паводле яго слоў, напярэдадні ішла праца над «устараненнем некаторых праблем», і да поўначы яны былі ўхілены. Паводле адных крыніц журналіста, пакупніком сталі Аб’яднаныя Арабскія Эміраты, паводле іншых — устаноўкі набыў Катар. Абедзве краіны маюць патрэбу ў ЗРК з-за абвастрэння ў рэгіёне на фоне вайны ЗША з Іранам, гаворыцца ў артыкуле. Афіцыйна ўлады Турцыі пакуль не паведамлялі пра здзелку.

Пазбавіўшыся расійскіх ЗРК С-400, Турцыя вызваліцца ад амерыканскіх санкцый, піша выданне. Ідзе гаворка пра рэстрыкцыі ЗША, уведзеныя паводле закона CAATSA («Аб супрацьдзеянні праціўнікам Амерыкі шляхам санкцый»). Акрамя таго, гэта дапаможа Турцыі вярнуцца ў праграму амерыканскіх знішчальнікаў пятага пакалення F-35 Lightning II.