Непадалёк ад Мінска прадаюць незвычайны стыльны барнхаус

• 10.07.2026, 16:30

Як ён выглядае і колькі каштуе.

У Лагойскім накірунку выставілі на продаж стыльны барнхаус, які выглядае як гатовы загарадны комплекс для адпачынку, піша Onlíner. Аб’ект знаходзіцца ў СТ «Секунда» — у ціхім месцы сярод лесу і проста на беразе дагледжанага вадаёма, прыкладна ў 20 хвілінах ад МКАД.

Як адзначаецца ў аб’яве, будынак дабудавалі сёлета. Яго плошча — 120 «квадратаў». Дом мае незвычайную Г-падобную форму і візуальна складаецца з двух аб’ёмаў. У аздабленні фасада выкарысталі кантраснае спалучэнне строгай клінкернай цэглы і цёплых драўляных рэйкаў, а з боку двара прадугледжана маштабнае панарамнае шкленне і адкрытая тэраса.

Унутры інтэр’ер выкананы ў лаканічным экастылі, пабудаваным на гульні кантрастаў: тут змантаваныя цёмныя акцэнтныя столі, якія спалучаюцца са светлым аздабленнем падлогі і сцен.

Планіроўка ўключае прасторную гасціную, аб’яднаную са сталовай зонай, тры спальні (адна з якіх вынесеная на мансардны паверх), сумешчаны санвузел і перадпакой з ёмістымі сістэмамі захоўвання. Катэдж поўнасцю ўкамплектаваны неабходнай мэбляй, бытавой тэхнікай і кандыцыянерам.

Ўчастак агароджаны плотам, на ўездзе ўсталяваныя адкатныя вароты з электрапрывадам і ўласная станцыя для зарадкі электрамабіля. Тэрыторыю добраўпарадкавалі: выканана контурнае азеляненне, абсталявана мангальная зона і дадатковыя месцы для адпачынку. На асобнай тэрасе размясціліся круглы адкрыты басейн-чан з сістэмай ачысткі вады, невялікі гасцявы летні домік і лазня-бочка на дровах, галоўная асаблівасць якой — панарамнае загартаванае шкло з выглядам на мясцовы вадаём.

За цалкам абсталяваны ўчастак і сучасны катэдж просяць $175 013 у эквіваленце.