Украінскія дэсантнікі знішчылі лягістычны вузел РФ пад Данецкам

• 10.07.2026, 16:46

Таксама разбураны цэх па вытворчасці БПЛА.

Вайскоўцы 237-га асобнага батальёна беспілотных сістэм 7-га корпуса хуткага рэагавання Дэсантна-штурмавых войскаў ЗСУ правялі паспяховую антылагістычную аперацыю ў бліжнім тыле праціўніка ў Данецкай вобласці. Яны нанеслі шэраг выніковых удараў найноўшымі дальнабойнымі ўдарнымі комплексамі Fire Point (FP-2) па аб'ектах акупантаў у аколіцах часова акупаванага Данецка.

Эксклюзіўныя кадры баявых дзеянняў апублікаваў 7-ы корпус хуткага рэагавання Дэсантна-штурмавых войскаў.

Дзякуючы прымяненню сродкаў класу middle strike, якія дазваляюць дзейнічаць па ўсёй глыбіні зоны адказнасці злучэння, дэсантнікам удалося знішчыць цэх, дзе акупанты збіралі і рыхтавалі да вылету FPV-дроны і цяжкія ўдарныя беспілотнікі. Акрамя таго, былі паражаныя склады наземных рабатызаваных комплексаў і месцы дыслокацыі асабовага складу праціўніка.

У штабе падкрэсліваюць стратэгічную важнасць нейтралізацыі пазначанага раёна.

«Адна з ключавых задач 7-га корпуса ДШВ цяпер — зніжэнне магчымасцей праціўніка весці баявыя дзеянні... Паражаная зона паблізу Данецка з'яўляецца адным з ключавых лягістычных вузлоў расійскай групоўкі, адкуль забяспечваюцца падраздзяленні, што вядуць наступальныя дзеянні, у тым ліку на Пакроўскім напрамку».