Амерыканская вядучая назвала Боснію і Герцагавіну двума рознымі краінамі

• 10.07.2026, 18:26

Журналістка заявіла, што на чэмпіянаце свету па футболе ЗША гулялі адразу супраць двух дзяржаў.

Вядучая амерыканскага шоу TYT Ана Каспарян агаварылася ў прамым эфіры, распавядаючы пра матч 1/16 фіналу чэмпіянату свету-2026 паміж зборнымі ЗША і Босніяй і Герцагавінай.

«Балогун атрымаў чырвоную картку падчас матчу паміж ЗША і Босніяй і Герцагавінай. Гэта дзве маленькія краіны. ЗША супрацьстаялі двум невялікім дзяржавам», — сказала Каспарян.

Фрагмент эфіру хутка разышоўся ў сацыяльных сетках і стаў прадметам абмеркавання карыстальнікаў, якія звярнулі ўвагу на тое, што Боснія і Герцагавіна з'яўляецца адной дзяржавай, а не двума асобнымі краінамі.