Лаўроў абвінаваціў Украіну ва ўмяшанні ў канфлікты ў Афрыцы

• 11.07.2026, 3:00

Кіраўнік МЗС РФ паскардзіўся на Кіеў калегу з Бурундзі.

Кіраўнік расійскага МЗС Сяргей Лаўроў заявіў пра спробы Украіны ўмешвацца ў афрыканскія канфлікты з мэтай дэстабілізацыі сітуацыі ў «сяброўскіх» да Расіі краінах. Пра гэта ён паведаміў па выніках перамоў з калегам з Бурундзі Эдуардам Бізіманам.

У якасці прыкладу ён прывёў канфлікт на ўсходзе Дэмакратычнай Рэспублікі Конга (ДРК). Паводле Лаўрова, «замежныя прадстаўнікі», у тым ліку з Украіны, аказваюць падтрымку групоўцы М23 («Рух 23 сакавіка»), якая супрацьстаіць арміі ДРК.

«Украінцы ў занадта вялікай колькасці канфліктаў на афрыканскім кантыненце спрабуюць выступаць на баку сіл, якія супрацьстаяць законнаму ўраду, толькі дзеля таго, каб замацавацца ў якасці фактара палітыкі на афрыканскім кантыненце <...> І, галоўнае, зрабіць непрыемнасці для сяброўскіх да Расіі краін», — падкрэсліў Лаўроў (цытата паводле «Інтэрфакса»).

Ён дадаў, што асноўнай мэтай такіх дзеянняў з'яўляецца стварэнне праблем для ўладаў краін Афрыкі, якія падтрымліваюць адносіны з Расіяй.