Дроны масава атаквалі Маскву і Падмаскоўе: ёсць разбурэнні

• 13.07.2026, 7:41

З'явіліся відэа атакі.

У ноч на 13 ліпеня улады Масквы і Маскоўскай вобласці заявілі пра атаку беспілотнікаў на расійскую сталіцу. Працавала СПА, паведамляецца пра разбурэнні ў вобласці.

Пра гэта піша New Voice.

Паводле заяў расійскіх афіцыйных асоб, сілы СПА збівалі беспілотнікі, што ляцелі ў накірунку Масквы. У той жа час у сеціве з'явіліся кадры атакі і, верагодна, наступстваў працы супрацьпаветранай абароны.

У прыватнасці, выбухі і працу СПА зафіксавалі ў Солнечногорску Маскоўскай вобласці. Таксама мясцовыя жыхары публікуюць відэа з месца падзення абломкаў.

Паведамляецца, што ў Маскоўскай вобласці ёсць ахвяры — як мяркуе паблік Exilenova+, у выніку працы расійскай СПА.