Экс-кіраўнік МЗС Венгрыі Петер Сіярта назваў новае месца працы

• 15.07.2026, 19:30

Былы чыноўнік нечакана накіраваўся ў Кітай.

Былы кіраўнік МЗС Венгрыі Петер Сіярта вырашыў скласці паўнамоцтвы дэпутата парламента. Ён паведаміў, што прыняў прапанову заняць высокую пасаду ў кітайскай аўтамабільнай кампаніі BYD. Пра гэта Сіярта напісаў у Facebook.

«Я падаў заяву аб складанні з сябе паўнамоцтваў члена парламента. Прычына ў тым, што я атрымаў надзвычай ганаровую прапанову ад адной з вядучых кампаній сусветнай эканомікі заняць міжнародную пасаду. BYD — адна з найбуйнейшых гісторый поспеху аўтамабільнай прамысловасці за апошнія дваццаць гадоў, а таксама сусветны лідар у вытворчасці аўтамабіляў на новых крыніцах энергіі», — напісаў ён.

Ён удакладніў, што зойме ў BYD пасаду «кіраўніка, адказнага за знешнія сувязі групы і развіццё новых напрамкаў бізнесу».