Фёдараў пакідае пасаду міністра абароны Украіны

• 15.07.2026, 21:51

Ён напісаў развітальны пост і падвёў вынікі працы.

Міністр абароны Украіны Міхайла Фёдараў фактычна пацвердзіў свой сыход з пасады, апублікаваўшы развітальны пост у Telegram-канале.

«Гэта было вялікім гонарам — служыць украінскаму народу на пасадзе міністра абароны», — напісаў ён.

У публікацыі ён пералічыў, што яму ўдалося і чаго не ўдалося зрабіць на гэтай пасадзе, і абвясціў, што працягне займацца ваеннымі інавацыямі.

Фёдараў займаў пасаду каля паўгода. Яго прызначылі кіраўніком украінскага абароннага ведамства 14 студзеня 2026 года. Да гэтага ён працаваў у ўрадзе на пасадзе віцэ-прэм’ер-міністра — міністра лічбавай трансфармацыі Украіны, дзе адказваў за развіццё лічбавых паслуг і курыраваў сферу беспілотных лятальных апаратаў.