Беларусам дазволілі наведваць яшчэ адну краіну без віз

• 17.07.2026, 16:49

Але толькі на 30-дзённы тэрмін.

МЗС Беларусі паведаміла пра ўвядзенне з ліпеня 2026 года Інданезіяй бязвізавага рэжыму ўезду для грамадзян нашай краіны — уладальнікаў агульнаграмадзянскіх пашпартоў, якія падарожнічаюць з турыстычнымі мэтамі.

Ведамства нагадала, што раней беларусы мусілі афармляць візу па прыбыцці.

«Са свайго боку Беларусь паслядоўна праводзіць палітыку адкрытасці: бязвізавы парадак уезду для грамадзян Інданезіі быў устаноўлены яшчэ ў 2017 годзе, і на дадзены момант інданезійскія грамадзяне таксама могуць знаходзіцца на тэрыторыі нашай краіны без віз да трыццаці дзён», — гаворыцца ў рэлізе.

Пра тое, што Інданезія можа ўвесці кароткатэрміновы бязвізавы рэжым для грамадзян Беларусі, заявіў у Джакарце 1 ліпеня міністр замежных спраў Беларусі Максім Рыжанкоў.