Фотафакт: Неверагодны захад сонца над «беларускім Байкалам»

• 17.07.2026, 17:56

«Проста як у казцы».

Беларуска зняла захад сонца над возерам Доўгае ў Віцебскай вобласці — самым глыбокім у нашай краіне.

Фота апублікавана у сацсетцы Threads і сабрала сотні лайкаў. Сайт Charter97.org прыводзіць некаторыя каментары:

— Проста як у казцы.

— Якая прыгажосць, колькі колераў!

— Заваражвае.

— Вельмі прыгожа

Доўгае — самае глыбокае ў Беларусі: ягоная глыбіня перавышае 53 метры. Дзякуючы высокай ступені чысціні вады і рэкорднай глыбіні вадаём называюць «беларускім Байкалам».

Возера з’яўляецца помнікам прыроды ледавіковай эпохі. Для яго аховы ў 1979 годзе быў створаны аднайменны азёрны заказнік.