Зяленскі абвясціў пяць рашэнняў для паляпшэння адносінаў з Польшчай

• 17.07.2026, 20:19

Прэзідэнт Украіны плануе перазапуск «польскага напрамку».

Усім у Еўропе патрэбныя добрасуседскія, раўнапраўныя і ўзаемавыгадныя адносіны, якія грунтуюцца на павазе.

Пра гэта паведамляе Charter97.org са спасылкай на заяву прэзідэнта Украіны Уладзіміра Зяленскага ў Telegram.

Прэзідэнт правёў нараду наконт палітыкі Украіны ў дачыненні да Польшчы.

«Польшча заўважна падтрымала Украіну пасля пачатку поўнамаштабнага расійскага ўварвання, і мы ўдзячныя», — адзначыў ён.

Зяленскі заявіў, што абарона незалежнасці Украіны наўпрост азначае ўмацаванне незалежнасці Польшчы.

«Выклікі бяспекі, якія стаяць цяпер перад Еўропай, могуць быць вырашаныя толькі ў супрацоўніцтве, у прыватнасці ў супрацоўніцтве свабодных нацый нашага рэгіёну», — заявіў Зяленскі.

Паводле слоў Зяленскага, пасля нарады будуць зробленыя некалькі ключавых крокаў:

1. Рашэнні па дыпламатычным напрамку.

2. Адкрыццё ўсіх архіваў СБУ і СЗРУ адносна трагічных падзей ХХ стагоддзя на Валыні.

3. Наданне дадатковай істотнай колькасці дазволаў на пошукавыя эксгумацыйныя працы і разам з польскім бокам — забеспячэнне іх большай эфектыўнасці.

4. Абмеркаванне магчымых фарматаў пашырэння міжграмадскага дыялогу Украіны і Польшчы.

5. Дамоўленасць з Аляксандрам Алфёравым, кіраўніком Украінскага інстытута нацыянальнай памяці (УІНП), аб пашырэнні магчымасцяў інстытута.

«Аляксандр падрыхтуе і прадставіць сістэмныя прапановы, а адпаведныя чальцы ўрада і профільны камітэт Вярхоўнай Рады Украіны разгледзяць магчымасць павялічыць фінансавае і іншае забеспячэнне УІНП», — паведаміў Зяленскі.