Брытанскі палкоўнік распавёў, што змяніла стаўленне Трампа да Украіны

• 18.07.2026, 8:31

Глен Грант назваў нечаканы фактар.

На працягу апошніх тыдняў Дональд Трамп выказваецца пра Украіну некалькі больш добразычліва. СМІ таксама адзначаюць, што прэзідэнт ЗША стаў больш лаяльным да Кіева.

Брытанскі палкоўнік у адстаўцы, эксперт па пытаннях бяспекі і абароны Украінскага інстытута будучыні Глен Грант расказаў 24 Каналу, што гучалі розныя версіі пра тое, чаму Трамп «памякчэў» у дачыненні да Украіны. Хтосьці нават казаў, што гэта заслуга генеральнага сакратара НАТА Марка Рутэ. Але прычына ў іншым.

Па словах Гранта, менавіта Сілы абароны Украіны паўплывалі на пазіцыю Трампа. Апошнім часам Украіна надзвычай эфектыўна наносіць удары супраць Расіі і яе аб'ектаў на часова акупаваных тэрыторыях.

«Пазіцыя Трампа змянілася менавіта з-за ўкраінскіх дронаў. Трамп любіць пераможцаў. Ён адчувае, што Пуцін яму больш не сябра. Пазіцыя пачынае змяняцца», — адзначыў эксперт.