Удары па Wildberries могуць зламаць хрыбет расійскай эканомікі

• Пётр Чарнышоў
• 18.07.2026, 17:03

Украінскія дроны знайшлі новае слабае месца Расіі.

Нарэшце ўкраінскія дроны ўдарылі па складах (адразу некалькіх) кампаніі Wildberries: у ноч на 18 ліпеня былі зафіксаваныя прылёты ў лагістычных цэнтрах у Электрасталі і Нагінску (Маскоўская вобласць), а таксама ў Катаўску (Тамбоўская вобласць). Судзячы па відэа, пажар быў такой сілы, што нават сярэдні НПЗ так не гарыць — цікава, што там захоўвалася.

Калі ва Украіне ёсць Rozetka, якая прадае, і «Новая пошта», якая дастаўляе, то ў Расіі рынак развіваўся інакш: там Wildberries і Ozon адначасова і прадаюць, і дастаўляюць. Прычым не толькі канчатковым спажыўцам — яны забяспечваюць таварамі і нават сыравінай малы бізнес па ўсёй краіне.

І гэта не «пара складаў з кітайскім барахлом», як напэўна скажуць расійскія чыноўнікі. Гэта насамрэч хрыбет іх эканомікі.

Wildberries і Ozon разам кантролююць каля 77–80% усіх анлайн-замоваў у Расіі, а ўвесь рынак e-commerce у 2025 годзе — гэта ўжо каля 13 трлн рублёў (~167 млрд долараў).

На гэтых дзвюх пляцоўках працуюць больш за 1,2 млн прадаўцоў — гэта значыць, што гэта не гіпермаркет, а інфраструктура для велізарнага сегмента малога бізнесу.

Абедзве кампаніі ўваходзяць у топ-50 буйнейшых кампаній Расіі (РБК 500): Wildberries — на 24-м месцы, Ozon — на 41-м.

Доля анлайн-гандлю ў агульным аб'ёме рытэйлу РФ ужо складае каля 14% і працягвае расці — а значыць, з часам такія ўдары становяцца ўсё больш балючымі.

Расія ўжо вельмі даўно і актыўна наносіць ракетныя ўдары па тэрміналах «Новай пошты» — разбурана як мінімум восем з іх. Я даўно задаваўся пытаннем: чаму мы не адказваем сіметрычна — ударамі па Wildberries або (а лепш — і па адным, і па другім) па Ozon? Бо гэта лагічны сіметрычны адказ! І вось — нарэшце гэта адбылося.

Што гэта азначае:

1) Такія тэрміналы ў Расіі практычна не абароненыя ППА — іх вельмі лёгка знішчыць.

2) Гэта сапраўды крывяносная сістэма не толькі электроннай камерцыі для звычайных людзей, але і лагістыкі малога бізнесу — тых самых больш як 1,2 млн прадаўцоў.

3) Калі цяпер ты разумееш, што ў такі тэрмінал можа прыляцець, — ты радыкальна перагледзіш сваю стратэгію як прадавец: паменшыш партыі тавару і скараціш да мінімуму тэрміны яго захоўвання на складзе. Прывітанне ўсім, хто арандаваў гэтыя склады для свайго інтэрнэт-гандлю.

4) У Катаўску ўжо вядома пра сямёх загінулых — цяпер і шараговыя супрацоўнікі такіх складоў сур'ёзна задумаюцца: ці вартая іх невялікая зарплата такой рызыкі? Лагістыка, што трымаецца на таннай рабочай сіле і пазбаўленая мераў бяспекі, — гэта пытанне не толькі бізнесу, але і таго, ці згодзіцца чалавек увогуле выйсці на такую начную змену.

Расійскім уладам, вядома, няма справы да нейкіх там тэрміналаў, дзе, на іх думку, ляжыць танны кітайскі тавар. А вось людзям — зусім не ўсё роўна: і прадаўцам, што губляюць тавар, і работнікам, якія рызыкуюць жыццём за капейкі, і звычайным пакупнікам, прывыклым атрымліваць заказы на наступны дзень.

Цікава, як хутка і наколькі зменяцца іх паводзіны.

Пётр Чарнышоў, Facebook