«Гэта ўсё мацней цісне на Крэмль»

• 19.07.2026, 16:32

Характар расійска-украінскай вайны змяняецца.

Украіна істотна пашырыла кампанію па выкарыстанні марскіх і далёкабійных беспілотнікаў, сканцэнтраваўшы ўдары на аб’ектах расійскага суднаходства і энергетычнай інфраструктуры. Аб гэтым піша The Telegraph.

Эксперты лічаць, што такая стратэгія ўзмацняе эканамічны ціск на Маскву і змяняе характар вайны. Паралельна Украіна працягвае маштабныя атакі на расійскія нафтаперапрацоўчыя прадпрыемствы. Як аказваецца, бяспечных рэгіёнаў для расійскай інфраструктуры больш не засталося.

Паводле ацэнак экспертаў, значная частка расійскіх нафтаперапрацоўчых магутнасцяў часова выведзеная з ладу. На гэтым фоне Расія ўжо абмежавала экспарт нафтапрадуктаў і шукае магчымасці імпартаваць паліва.

У той жа час часова акупаваная тэрыторыя Крыму для пуцінскага рэжыму ва ўсіх яе вымярэннях — на сушы, у паветры і на вадзе — ужо не зона бяспечнага тылу для войскаў РФ. Наадварот, сітуацыя на паўвостраве выразна дэманструе татальную ўразлівасць і бяссілле крэмлёўскай дыктатуры.

З такой заявай выступілі прадстаўнікі легіёна «Свабода Расіі». Паводле іх звестак, толькі за апошнія 11 дзён у акваторыі Чорнага мора былі пашкоджаныя і выведзеныя з ладу 42 судны расійскага флоту, якія транспартавалі нафту і газ у Крым.