У Пухавіцкім раёне заўважылі зубра

• 19.07.2026, 16:43

Ён еў з поля цукровыя буракі.

У Мінскай вобласці можна сустрэць не толькі мядзведзяў, але і зуброў. Так, карыстальніца Threads Анастасія па дарозе на дачу ў Пухавіцкім раёне заўважыла маладога зубра, чым падзялілася на сваёй старонцы.

Звер з Чырвонай кнігі хадзіў па полі з цукровымі буракамі і паядаў пасевы. Заўважыўшы ўвагу людзей, парнакапытны выцягнуў караняплод з зямлі і пабег з ім у бок лесу.

— Прыгожы, дзікі, малады з здабычай салодкага бурака! Ну прыгажосць, — напісала аўтарка відэа ў допісе.

У каментарыях пад ролікам многім такі мясцовы жыхар прыйшоўся даспадобы.