Зяленскі: Расія атрымае адказ за сённяшні ўдар па Кіеву
- 2.07.2026, 18:24
Прэзідэнт Украіны зрабіў заяву на месцы расійскага ўдару.
Расія атрымае адказ за масіраваны камбінаваны абстрэл Кіева ў ноч на сёння.
Як паведамляе РБК-Украіна, пра гэта прэзідэнт Украіны Уладзімір Зяленскі заявіў на месцы варожага ўдару ў Дарніцкім раёне сталіцы.
«Расія атрымае адказ за сённяшні ўдар па Кіеву — гэта безумоўна», — падкрэсліў кіраўнік дзяржавы.
Акрамя таго, Зяленскі заявіў, што Украіна выступае за справядлівы мір і справядлівае заканчэнне вайны.
«А пакуль яго няма — за справядлівыя адказы», — сказаў прэзідэнт Украіны.
У ноч на 2 ліпеня расійскія войскі нанеслі чарговы маштабны камбінаваны ўдар па Украіне. Галоўнай мэтай атакі стаў Кіеў.