Дзесяць гадоў таму ў Кіеве быў забіты беларускі журналіст Павел Шарамет

• 20.07.2026, 9:26

Праўды пра яго сапраўдных забойцаў грамадскасць не ведае дагэтуль.

20 ліпеня 2016 года у Кіеве загінуў вядомы беларускі, расійскі і ўкраінскі журналіст Павел Шарамет.

Аўтамабіль, у якім Павел ехаў на працу, выбухнуў на скрыжаванні цэнтральных вуліц Кіева. Уратаваць Паўла было немагчыма — атрыманыя траўмы былі несумяшчальныя з жыццём.

Паліцыя паведаміла, што пад аўтамабіль была закладзеная выбухоўка магутнасцю да 600 грамаў у тратыловым эквіваленце, якая кіравалася дыстанцыйна.

Праўды пра яго сапраўдных забойцаў Украіна не ведае дагэтуль, у той час як скандальная справа, у якой падазраванымі сталі музыкант і ветэран Андрэй Антоненка, баявы медык Яна Дугарь і кардыяхірург Юлія Кліменка, цяпер фактычна апынулася «на паўзе».

Паўла Шарамета пахавалі 23 ліпеня 2016 года ў Мінску.