Эндзі Бёрнэм афіцыйна стаў прэм'ер-міністрам Вялікабрытаніі

• 20.07.2026, 14:39

Кір Стармер завяршыў працу.

Дэпутат брытанскага парламента Эндзі Бёрнэм афіцыйна стаў сёмым за 10 гадоў прэм'ер-міністрам Вялікабрытаніі і замяніў на пасадзе свайго папярэдніка Кіра Стармера. Пра гэта паведамляе BBC.

20 ліпеня Стармер заявіў, што завяршыў сваю працу на пасадзе прэм'ер-міністра Вялікабрытаніі. Пра гэта ён сказаў падчас развітальнай прамовы на Даўнінг-стрыт, 10, пасля чаго кароль прыняў яго адстаўку.

Кір Стармер у панядзелак, 20 ліпеня, заявіў, што завяршыў сваю працу на пасадзе прэм'ер-міністра Вялікабрытаніі. Пра гэта ён сказаў падчас развітальнай прамовы на Даўнінг-стрыт, 10, пасля чаго кароль прыняў яго адстаўку, піша The Guardian.

«Я збіраюся наведаць Яго Вялікасць караля, каб падаць у адстаўку і закрыць старонку майго знаходжання на пасадзе прэм'ер-міністра. Мая праца зроблена», — сказаў прэм'ер.

Ён адзначыў, што за два гады яго знаходжання на пасадзе прэм'ера Брытанія стала «мацней і справядлівей». У прыватнасці, Стармер заявіў пра зніжэнне ўзроўню міграцыі, пра ўмацаванне абароны і пра паляпшэнне міжнароднай рэпутацыі краіны.

Ён таксама згадаў Украіну.

«Сёння мы сутыкаемся са светам, у якім нашыя ворагі не спыняцца ні перад чым, каб раз'яднаць нас — з-за нашых каштоўнасцяў, нашай свабоды, нашай прыстойнасці і, шчыра кажучы, нашай непахіснай рашучасці падтрымаць мужны народ Украіны», — сказаў Стармер.